1_كل ماتتفقوا على ميعاد روحلها متأخر وسيبها تتلطع وتتذنب شوية وأول ماتوصلها متديهاش إهتمام عشان أساسى هى هتطلع فيك عشان اللطعة أنت لاطعهالها دى فاحاول تتحجج بأى حاجة كأنك بتعمل حاجة فى الموبايل ولما تسألك بتهبب أيه ؟قولها بستعلم بس عن الرصيد أو أى حجة هبلة يعنى.
2_ظبط كل مشوايرك المهمة على اليوم اللى هتقابلها فيه عشان تدبسها وتخليها تيجى معاك وياسلام لو كان فيهم مشوار من بتوع المصالح الحكومية اللى بيطلعك وينزلك مية مرة ويلففك المصلحة كلها حتة حتة يبقى تمام أوى رجلها على رجلك.
3_لما تقولك أنا جالى عريس قولها أيه ده بجد ؟؟؟؟؟هتقولك أيوة مستغرب كده ليه ؟؟؟قولها هو فى حد لاقى عرسان اليومين دول على العموم ألف مبروك ياحبيبتى لو طلعت بتحكيلك عنة عادى وبتقولك بقى أنا أتجوز واحد بالطريقة دى والكلام ده... قولها ياحبيبتى آمال أنتى فاكرة أحمد زويل هييجى يتقدملك... لو العكس بقى وقالتلك العريس عاجب بابا وماما وعنده وعنده وبيقولولى أنتى عبيطة.. قولها أنا كمان رأيى من رأيهم , هتقولك رأيك إن أنت كمان موافق عليه ؟قولها لأ إن أنتى عبيطة. طبعا الغرض الأول من الحوارات دى إن هى تحرك حضرتك عشان تروح تتقدملها. أعمل عبيط بقى ورد على قد اللى بتسمعه وبس.
4_ لو كنتوا فى نفس الشغل بس كل واحد فى حتة وقاعدين سوا كل ماتشوف واحدة معاك فى الشغل سيب الجو وقوم أتكلم معاها بأى حجة ولما ترجع قولها كنت بسألها على حاجة مهمة عندنا فى الشغل ولما تشوف واحدة تانية قوم برضه أعمل نفس الحوار ولما ترجع قولها أصل الأولى مكنتش عارفة فا سألت دى وهكذا.
5_ لو هتدخلوا سينما هى طبعا عايزة تشوف فيلم رومانسى ولا حاجة ا نت بقى أمسك فى إنك تختار فيلم كوميدى أو رعب. لو كوميدى أفضل أضحك طول الفيلم حتى على الحتة البايخة وطنشها خالص ولا كأنها جنبك اما لو دخلتوا رعب لو كنت بتحب أفلام الرعب ركز مع الفيلم وطنشها برضه أما بقى لو كنت بتخاف وداخلة عند فيها فالحل الوحيد تعمل إنك رايح عليك نومة بس لو معرفتش تنام من صوت الأكشن فالبس نظارة سودة وقولها أصل الأشعة بتتعب عينى وغمض براحتك بقى يامعلم .
6_ لو بتتغدوا بره وبتسألها هتاكلى أيه وقالتلك أطلبلى زيك وأطلبلى أى حاجة من غير شطة تبقي جتلك علي الطبطاب وصيه أنت بقى يزود الشطة على قد مايقدر ولما الأكل يجى قولها أنا كنت فاكرك بتقولى أى حاجة فيها شطة .
7_ لو فى مناسبة زى عيد ميلادها أو الفلانتين أو أى حاجة. اتصل بيها والأول خدها فى الكلام وأقعد كلمها ساعتين فى حاجات فارغة ملهاش علاقة بالمناسبة وفجأة قولها ثانية واحدة هكلمك تانى فى حاجة مهمة ومتسألش فيها باقى اليوم وضيع عليها المناسبة بعد كده لما تسألك السبب قولها أصل كان فى كليب أول مرة أشوفة أو كنت بتفرج على فيلم عاجبنى وكنت بكلمك فى الفاصل ولما رجع اضطريت أقفل و ماما كانت مجهزة الأكل وبتنادى عليا وأنا كنت جعان أوى ومقدرتش أستنى أى حجة رذلة تحرق الدم وخلاص.
8_ لو جابتلك هدية وسألتك أيه رأيك فيها.قولها الهدية دة من الممر قصدك يعنى إن الهدية قديمة ومش مالية عينك ونفس الحوار فى مسجات الموبايل كل ماتبعتلك حاجة قولها اتبعتتلى قبل كده لو قالتلك مانا بشوف المسجات بتاعتك علطول قولها يبقى شوفتها فى موبايل حد أعرفة المهم إن أنا قريتها قبل كده حتى لو كنت أول مرة تشوفها فى حياتك مش بعيد هى بقى تألفلك مسج وتقولها شوفتها قبل كده وتبقى أتفقست يامعلم عادى برضه قولها انا شوفتها تدي نفس المعني .
9_اللي جاية دة جامدة اوي.قولها معلش محتاج دقيقة من موبيلك اصل رصيدي خلص واول متخلص علي الرصيد كلة كلة منت تبقي مظبط انك هتتكلم مكالمة طويلة وانت بتديهولها وقعة علي الارض خرب باظ علية العوض خلاص بقي متزعليش دة كويس انة وقع عمل خير واللة خد الشر وراح دة حتي مفهوش رصيد .لو قالتلك صلحهولي خدة واخربة اكتر وقولها خلاص عمرة الانفراضي خلص.لو قالتلك هاتلي واحد جديد قولها انت بتقبلي العوض لا لا ميصحش .
10_اسمع دة لما تشتريلها لبس جديد.طبعا تروح الصبح بدري عشان نص المحلات تكون لسة مفتحتش وتقولها عشان نشوف في النور.وانتوا بتتفرجوا اتلكك .ازاي؟؟؟مرة ضيق مرة خفيف مرة قصير مرة غالي مرة بلدي مرة شامي مرة مش عارف اية مرة مش عارف لية مرة واحدة تخش محل رجالي وتشتري لنفسك قميصين وبنطلون وتقولها عجبوني جدا ولو لسة معاك فلوس مفيش مانع تشتري جزمة وحزام وانتوا مروحين قولها ممعكيش فكة اصل اللي معايا مجمد قال يعني معاك ورقة بالف جنية.
بعد متعمل كدة لو ليك دبدوب هيرجعلك وعلية ارنوب (انا بهزر اوعي حد يعمل كدة).
موضوع: ازاى تغلس على الجو 
السبت مايو 10, 2008 4:57 am
