شمس البـــــــــــــــــر


عزيزى الزائرنتمنى ان تسعد بوقتك فى المنتدى ويسعدنا ان نتضم الينا بتسجيلك سلام يسوع معك
شمس البـــــــــــــــــر


عزيزى الزائرنتمنى ان تسعد بوقتك فى المنتدى ويسعدنا ان نتضم الينا بتسجيلك سلام يسوع معك
شمس البـــــــــــــــــر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالبوابةأحدث الصورالتسجيلدخول

 

 اقوى سلاح فى الوجود

اذهب الى الأسفل 
2 مشترك
كاتب الموضوعرسالة
jak
مدير المنتـــــــدى
مدير المنتـــــــدى
jak


ذكر عدد الرسائل : 196
الاوسمة الحاصل عليها : : اقوى سلاح فى الوجود 1
تاريخ التسجيل : 04/05/2008

اقوى سلاح فى الوجود Empty
مُساهمةموضوع: اقوى سلاح فى الوجود   اقوى سلاح فى الوجود I_icon_minitimeالأربعاء مايو 21, 2008 5:55 pm

أقوى سلاح فى الوجود



انا حابب اتكلم معاكم انهارده عن اهم حاجة ممكن توصلنا الملكوت وهحاول مطولش عليكم عشان متزهقوش
مفيش شك ان أهم حاجة ممكن توصلنا هى الصلاة
ناس كتير لسه لم تدرك قيمتها ولم تتذوق حلاوتها
الصلاة دى ببساطة جاية من كلمة صلة يعنى علاقة ، واحنا حتى فى المثل الشعبى عندنا بنقول :
تعرف فلان ؟ ... أه اعرفه
عاشرته ؟ ... لا معشرتوش
يبقى متعرفوش .!
أهى الصلاة بالظبط نفس الموضوع ...
تعرف ربنا ؟ ... اه طبعا دا انا بينى وبين ربنا عمار كبير
طب بتصلى ؟ بتكلمه ؟؟ ... لا مبصليش
يبقى لسه معرفتش حاجه عن ربنا
الصلاه هى الصلة الوحيدة اللى بتربطنا بربنا . واليوم اللى متصليش فيه يبقى قطعت الصله دى .
شوف انا عايز انبهك لحاجة مهمة جدا لازم تفضل دايما حافظها فى دماغك
الشيطان ممكن يسيبك تعمل كل الخير اللى فى الدنيا من غير مايعوقك
يسيبك تساعد ده وتزور ده وتخدم فى مجالات كتير ، ده ممكن هو اللى يساعدك كمان ويسهلك خدماتك عشان فى الأخر يوقعك فى الكبرياء وساعتها يفصلك تماما عن ربنا
لكن انه يسيبك تقف تصلى دى اللى مش ممكن ينولهالك بسهولة ابدا
دى الحاجة الوحيدة اللى لازم يحاربك فيها بكل قوته عشان دى الحاجة الوحيدة اللى بتحرقه وتهزمه
الصلاة هى الحاجة الوحيدة اللى تخليك فى علاقة مع ربنا
الشيطان لو شايفك شغال فى خدمات واعمال صالحة كتير ومش بتصلى . يبقى ولا هيعبرك ولا هيضايقك لأنه كده هو ضمن انك تبعه ومنفصل عن الله خلاص

عايز بقى تعرف ليه الصلاة دى اقوى سلاح فى الوجود ؟؟
تأمل معايا كده فى حاجة بسيطة وجاوبنى ... أزاى جبل المقطم يتنقل من مكانه 3 كم ؟؟
لو جبت كل جرارات وأوناش العالم كله يقدروا يحركوه 1 سم بس ؟؟؟ طبعا مستحيل . لكن الصلاة قدرت مش تحركه 1 سم لكن 3 كم
هل كل دكاتره العالم بكل تخصصاتهم يقدروا يحيوا انسان خلاص مات ؟؟؟ طبعا مستحيل
لكن الصلاة قدرت تقيم الأموات وسير قديسينا مليانة بكده
كنا بعتنا فى اول رسالة من رسايل بستان الرهبان عن الأنبا بيصاريون ، هو انسان عادى زيك وزيى لكنه عرف قيمة الصلاة واختبرها فى حياته وبجمله واحدة منه وقف حركة الكون كله ودوران الكواكب والشمس عشان كان فى الصحراء مع تلاميذه ، والشمس كانت هتغرب عليهم قبل ما يوصلوا مكانهم ولو كانت الشمس غربت كان ممكن يتوهوا فى الصحراء فصلى إلى الله فى جملة واحدة والله وقفلوا حركة الكون كله عشان خاطره . شفت عظمة الصلاة اللى بتخليك تفتح السما بكلمة منك !!!
عرفت ليه الصلاة اقوى سلاح فى الوجود ؟؟ عشان ببساطة حطمت كلمة " مستحيل "
عايز بعد كل ده انه يكون فى ايدك السلاح العملاق اللى اسمه الصلاة وتفضل لسه كسلان ومتستخدمهوش ؟؟ تبقى مش زكى ولا حكيم كمان

اذا كنت لسه من الناس اللى هما مجربوش يصلوا قبل كده . لازم تبدأ من انهاردة
والموضوع سهل وبسيط وخده بالتدريج
أكتفى بصلاة أبانا الذى فى السموات اول ماتصحى من نومك وقبل ما تنام ، صدقنى دى مهمة قوى عند ربنا . عارف ليه ؟
لأن انت كنت نايم فى سريرك مرتاح ومتغطى ببطانية . لكن فى غيرك كان نايم فى المستشفى وفى غيرك كان بايت فى قسم شرطة طول الليلة دى وفى غيرك اللى كان بايت فى شقة مشبوهة وبيعمل خطية وفى غيرك اللى كان نايم بيتألم من وجع طول الليل ومقدرش ينام اصلا وبرده فى غيرك اللى نام ومقمش
يبقى ربنا اللى حفظك من كل الشرور دى ميستاهلش كلمة شكر اول ماتصحى
ميستهلش منك كلمة صباح الخير ياربى يا حبيبى وتصلى ابانا الذى فى السموات .
انت كمان هتحس بالبركة طول يومك لما تبدأه بربنا وبالصلاة حتى لو كانت قصيرة
كمان مهمة "ابانا الذى" قبل ما تنام . لأنك لازم تشكره انه كان معاك طول اليوم وحفظك من شرور كتير ووصلك فى اخر اليوم لحد سريرك عشان تنام ،
وكمان برده مهم انك تنهى يومك بربنا والكلام معاه زى ما بدأت معاه . لأنه هو البداية والنهاية .
وحتى لو بعد الشر نمت ومقمتش يبقى اخر حاجة طلعت من قلبك وفمك هى صلاة وكلام الله
عشان كده الصلاة قبل النوم مهمة جدا زى الصلاة أول ما تصحى
وطبعا انا بتكلم ان " ابانا الذى " كبداية ليك لو مكنتش لسه لم تبدأ لكن لازم تنموا فى الصلاة طبعا بس اهم حاجة انك تبدأ ، والنمو ده هيكون مع الوقت طبعا إنشاء الله

دلوقتى هى دى فرصتك عشان تبدا تفتح علاقة مع ربنا . علاقة حقيقية حية
+ لانه يقول في وقت مقبول سمعتك و في يوم خلاص اعنتك هوذا الان وقت مقبول هوذا الان يوم خلاص ( 2كو 6 : 2 )
من فضلك مضيعش الفرصة من إيدك لأن لو عندك شعور بأنك عايز تبدأ دلوقتى استغل الشعور ده وقوم دلوقتى وكلم ربنا وقوله
اقبلنى يارب إنى ابدأ معاك حياه جديدة الأن هنا على الأرض عشان اقدر اكملها معاك هناك فى الملكوت .

وزى ما قلتلك ان الصلاة دى هى الصلة اللى بتربط بينك وبين ربنا ، لو فى يوم مصلتش تنقطع الصلة دى

منقوووووووووووول .
الرجوع الى أعلى الصفحة اذهب الى الأسفل
https://shamsalbr.mam9.com
adel baket
عضو مبتدى
عضو مبتدى



عدد الرسائل : 31
تاريخ التسجيل : 20/05/2008

اقوى سلاح فى الوجود Empty
مُساهمةموضوع: رد: اقوى سلاح فى الوجود   اقوى سلاح فى الوجود I_icon_minitimeالجمعة مايو 23, 2008 4:05 am

اقتباس :
مفيش شك ان أهم حاجة ممكن توصلنا هى الصلاة
ناس كتير لسه لم تدرك قيمتها ولم تتذوق حلاوتها

الصلاة دى ببساطة جاية من كلمة صلة يعنى علاقة


الله على موضوعك الرائع جاك الرب يبارك تعب محبتك
الرجوع الى أعلى الصفحة اذهب الى الأسفل
jak
مدير المنتـــــــدى
مدير المنتـــــــدى
jak


ذكر عدد الرسائل : 196
الاوسمة الحاصل عليها : : اقوى سلاح فى الوجود 1
تاريخ التسجيل : 04/05/2008

اقوى سلاح فى الوجود Empty
مُساهمةموضوع: رد: اقوى سلاح فى الوجود   اقوى سلاح فى الوجود I_icon_minitimeالجمعة مايو 23, 2008 6:23 am

شكرا على ردك واتمنا انك تكون مبسوط معانا
الرجوع الى أعلى الصفحة اذهب الى الأسفل
https://shamsalbr.mam9.com
 
اقوى سلاح فى الوجود
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شمس البـــــــــــــــــر :: «°•.¸ :: المنتدى المسيحى :: ¸.•°» :: منتدى الموضوعات الروحية-
انتقل الى: